"Челси" бош мураббийи Маурисио Почеттино ҳимоячи Тьяго Силванинг ҳолати ҳақидаги саволга жавоб берди.
Аввалроқ, 39 ёшли бразилиялик футболчи "Ливерпул"га қарши Англия лига кубоги финал учрашувини ўтказиб юбориш хавфи борлиги ҳақида хабар берилганди.
"Тьяго Силвада ўйнаш имконияти бор. Эртага унинг финалда иштирок этишга тайёрлигини кўрамиз. Менимча, биз баъзи футболчиларнинг ҳолатига баҳо беришимиз керак. Эртага кўрамиз, баъзилар жароҳатидан фориғ бўладими ёки йўқми"", - деди Почеттино.
"Челси" ва "Ливерпуль" ўртасидаги Лига кубоги финал учрашуви 25 февраль куни Тошкент вақти билан соат 20:00да бошланади.
