"Челси" бош мураббийи Маурисио Почеттино "Ливерпуль"га қарши Англия лига кубоги финалида ҳакамлик адолатли бўлишига умид билдирди.
“Биз ҳар бир эпизодда ҳакамлар адолатли эканлигига ишонч ҳосил қилишимиз керак. "Энфилд"да "Ливерпуль"га қарши ўйнаганимизда, ҳакамлар жуда кўп баҳсли қарорлар қабул қилишди, уларнинг ҳар бири бизнинг фойдамизга эмас эди. Бизга иккита пенальти белгиланмади. Менга адолатли муносабатда бўлишни хоҳлайман", - дея Почеттино сўзларини келтиради журналист Фабрицио Романо.
Англия Лига кубоги финали "Челси" - "Ливерпуль" ўйини 25 февраль, якшанба куни бўлиб ўтади ва Тошкент вақти билан соат 20:00да бошланади.
