Мадриднинг “Реал” клуби бош мураббийи Карло Анчелотти марказий ҳимоячи Серхио Рамоснинг “Сантьяго Бернабеу”га қайтиши ҳақидаги тахминлари билан ўртоқлашди. Эртага "Севилья" Испания чемпионати доирасида Мадридга сафар қилади.
"Ўйлашимча, "Сантьяго Бернабеу" Рамосни жуда яхши қабул қилади. У "Реал Мадрид" учун ажойиб сардор эди. У менинг жамоамда ҳаракат қилганидан бахтиёрман”, деди Анчелотти матбуот анжуманида.
Рамос "Реал"да 16 йил ўтказди ва клуб билан 4 марта Чемпионлар лигасида ғолиб чиқди. Яқинда Серхио "Лос-Бланкос"га гол урса, нишонламаслигини айтганди.
