"Манчестер Сити" бош мураббийи Пеп Гвардиола АПЛнинг 26-турида "Борнмут" устидан қозонилган сафардаги ғалабадан сўнг (1:0) "шаҳарликлар"нинг ҳужумкор ярим ҳимоячиси Филипп Фоденнинг ўйинига изоҳ берди. “Сити”нинг ягона голини ўйиннинг 24-дақиқасида айнан Фоден киритди.

“У аллақачон юқори даражадаги футболчига айланган. Илгари у кичкина бола эди, ҳозир эса жаҳон даражасидаги футболчи. Бу жуда ҳам яхши. У ҳамма жойда ўйнай олади, лекин айниқса марказда у жуда зўр", - дея Гвардиола сўзларини келтиради Marca.

23 ёшли ҳужумкор ярим ҳимоячи Филипп Фоден "Манчестер Сити" клуби академиясини тугатган ва бутун фаолиятини "шаҳарликлар" сафида ўтказмоқда. Жорий мавсумда у клуб сафида барча турнирларда 39 та ўйин ўтказиб, 16 та гол урган ва 10 та голли узатмани амалга оширган.