Ярим ҳимоячи Кевин Де Брюйне ва унинг оиласи Саудия Арабистонига кўчиб ўтишга унчалик қизиқмаяпти. Бу ҳақда журналист Сэм Лига таяниб, Transfers News Live хабар бермоқда.
Аввалроқ, Саудия клублари Де Брюйнени ўз сафларида кўришни исташлари ҳақида матбуотда маълумотлар пайдо бўлганди. 32 ёшли бельгиялик футболчининг «Манчестер Сити» билан амалдаги шартномаси 2025 йилнинг ўрталарига қадар тузилган.
Кевин Де Брюйне «Манчестер Сити» сафида жами 367 та ўйин ўтказган. Уларда ярим ҳимоячи 98 та гол урди ва шерикларига 161 та голли узатмани амалга оширди.