"Арсенал" "Челси" марказий ярим ҳимоячиси Конор Галлахерга қизиқиш билдирмоқда. Бу ҳақда журналист Экрем Конур хабар берди.
Манбага кўра, "канонирлар" ёзги трансфер ойнасида 24 ёшли ярим ҳимоячи учун "Тоттенхэм" билан курашишга тайёр. Қайд этилишича, “кўклар” раҳбарияти ҳали ўз футболчисининг келажаги борасида бир қарорга келмаган.
Галлахер "Челси" тарбияланувчиси ҳисобланади. Жорий мавсумда ярим ҳимоячи “аристократлар” сафида барча турнирларда 34 та ўйин ўтказиб, 3 та гол ва 6 та голли узатмага муаллифлик қилган.
