Мадриднинг «Реал» клуби ҳужумчиси Криштиану Роналду «Барселона»га, Лионел Месси эса ўз вақтида «Реал»га ўтиши мумкин бўлган экан. Бу ҳақда испан матбуоти хабар тарқатди.
Роналду ҳар доим «Реал»да ўйнаш орзуси эканини таъкидлаб келган ва бу истаги 2009 йилда амалга ошганди. Аммо 2010 йилда унга «Барселона»га ўтишингиз мумкинми, деган маънода савол беришганида Роналду буни инкор этмаган, келажак ҳақида бир нарса деб бўлмаслигини таъкидлаб ўтганди.
2007 йилда ўша пайтларда «Барселона»да спорт директори лавозимида ишлаган Чики Бегиристайн футболчининг агенти билан учрашган ва унинг трансфер масалаларини ҳам гаплашиб олишганди. «Барселона» президентлигига сайловларда Сандро Россел ғалаба қозонса, асосий ваъдаларидан бири клубга Роналдуни олиб келиш эканини таъкидлаб ўтганди.
Энди Месси ҳақида. У «Барселона» сафида 2004 йилда дебют учрашувини ўтказганди. 2005 йил майда эса унга шартнома таклиф қилиб чиқишган. Шартнома шартлари Мессининг отасига ёқмагач, у ўғли учун янги клуб топиш ҳаракатига тушиб қолган. Бир агент унга «Реал»га ўтишни маслаҳат берган. Флорентино Пересни ҳам бу таклиф қизиқтирган бироқ президент келиб чиқиши мумкин бўлган жанжаллардан қўрқиб уни ўз сафига чақирмаган. У бу борада Луиш Фигу билан боғлиқ тарих такрорланишини истамаган. Бу орада «Барселона» ўз хатосини тўғрилаган ва футболчи билан шартнома имзолаганди.