Таниқли россиялик мураббий, ЦСКА президентининг спорт масалалари бўйича собиқ маслаҳатчиси Валерий Непомнящий Аббосбек Файзуллаев ҳақида бир нечта саволга жавоб берди.

– Сўнгги ўйиндан сўнг Файзуллаев Ўзбекистон ёшлар терма жамоасига тезроқ кетиш учун атайлаб сариқ карточка олгани ҳақида гаплар тарқади, бунга қандай фикрдасиз?

– Йўқ, мен бунга ишонмайман. Мен уни бундай йигит деб ҳисобламайман. Эпизодни эсласангиз, Аббос тўпни йўқотиб қўйди, кейин рақибдан олмоқчи бўлди. Уни РПЛдаги жорий мавсум кашфиётларидан бири деб биламан.

– Унинг ўйинида пасайиш борми?

– Ҳа. Аммо бу тиғиз бўлган жадвал билан боғлиқ эди. У ҳам Осиё Кубогида ўйнади. У жамоа қайтиб келгач бироз вақт ўтди, ўз даражасига қайтди.

– У ўз ўйинида яна нимани яхшилаши керак?

– Мен учун йигитнинг алоҳида камчиликлари йўқ. Қачонки тартибли бўлса, кўзни қувонтиради! Унинг пасайишлари РПЛда илк мавсумини ўтказаётган ёш футболчилар учун одатий ҳолдир. Улар ҳали ҳам ўзларини қандай тартибга солишни билишмайди. Тажрибали футболчи қачон жиловни бироз қўйиб юборишни, қачон яна тўлиқ иштирок этишни билади ва улар ўз кучларини масофадан яхшироқ ҳисоблашади.

– Файзуллаев сизга ёш Дзагоевни эслатмаяптими?

– Йўқ, уларнинг ўйин услубида жуда фарқ қилади. Дзагоэв айёр эди! Файзуллаев турли тезликда ўйнайди. Менимча, Аббос кўпроқ муваффақият ва мартаба ривожланишига эътибор қаратади. Ҳеч бўлмаганда менга шундай туюлади. Менимча, унинг ўйинда Аландан кўра порлоқ келажаги бор. Файзуллаев ўзини янада аниқроқ очиб беради.

– У ЦСКАда қанча вақт ўйнайди?

– Менимча, у шу мавсум ёки келаси мавсум охирида кетади.

– Шунчалик тезми?

– Бу бола катта футбол ўйнаши аниқ. Агентлар, эҳтимол, аллақачон баъзи ишларни қилмоқдалар. Албатта, бундай ижрочини йўқотиш жуда ачинарли. Бундай футболчилар РПЛни безаб турибди. Иқтидорли йигитлар Европага бориб, у ерда захира ўриндиғида ўтиришса, уят... Доимий равишда хорижда ўйнаш учун жуда яхши жамоани танлаш керак.