"Бавария" Тео Эрнандесни сотиб олиш имкониятларини ўрганмоқда.
Calciomercato нашри хабарига кўра, мюнхенликлар ҳимоячининг агентлари билан алоқада бўлиб, футболчининг аҳволи ва унинг келажакдаги режаларини ўрганган.
Таъкидланишича, "Милан"да ҳеч ким дахлсиз эмас, аммо миланликлар франциялик футболчини сақлаб қолиш ва 2026 йилда тугайдиган шартномасини узайтиришга умид қилмоқда. Бу ҳолда Эрнандеснинг маоши ҳам ошади, бонуслар билан бирга 4,5 миллион еврони ташкил қилади.
Жорий мавсумда 26 ёшли футболчи А Серияда 23 та ўйин ўтказиб, 4 та гол уришга эришди.
