"Bavariya" Teo Ernandesni sotib olish imkoniyatlarini o‘rganmoqda.

Calciomercato nashri xabariga ko‘ra, myunxenliklar himoyachining agentlari bilan aloqada bo‘lib, futbolchining ahvoli va uning kelajakdagi rejalarini o‘rgangan.

Ta’kidlanishicha, "Milan"da hech kim daxlsiz emas, ammo milanliklar fransiyalik futbolchini saqlab qolish va 2026 yilda tugaydigan shartnomasini uzaytirishga umid qilmoqda. Bu holda Ernandesning maoshi ham oshadi, bonuslar bilan birga 4,5 million yevroni tashkil qiladi.

Joriy mavsumda 26 yoshli futbolchi A Seriyada 23 ta o‘yin o‘tkazib, 4 ta gol urishga erishdi.