«Real» bosh murabbiyi Joze Mourinyu Ispaniya La Ligasining 2026/2027 yilgi mavsumi 4-turida «Betis»ga (0:1) qarshi o‘yindagi mag‘lubiyat haqida fikr bildirdi.

«Menimcha, jamoa kuchli o‘yin o‘tkazdi. Ba’zida mag‘lub bo‘lasan va buning sababini tushunmaysan… Bunga qanday izoh berishni bilmaysan. Biz katta ustunlikka ega bo‘ldik, markaziy himoyachilar ajoyib harakat qilishdi, ular maydondagi barcha jarayonni nazorat qilishdi. Hujumda ko‘plab kombinasiyalar va golli vaziyatlar yaratdik.

Agar uchrashuv durang bilan yakunlanganida ham xafa bo‘lardik, chunki biz ko‘proq ish qildik. Mag‘lubiyatdan keyingi holatimizni tasavvur qiling.

Karlos Espi fantastik zarba berdi. Balki u yerda ofsayd bo‘lgandir, balki yo‘qdir, ammo u o‘z vazifasini bajardi. Uning salohiyati juda katta va u rivojlanishda davom etadi, chunki u kamtar, mehnatsevar va o‘rganishni xohlaydi. Men bu futbolchidan juda mamnunman.

O‘yindagi bahsli vaziyatlar haqidami? Men ularni batafsil o‘rganmadim. Libos almashtirish xonasida bu epizodlarni ko‘rmadim, shuning uchun ularga baho bera olmayman», — deya Mourinyuning so‘zlarini Marca keltirdi.

La Liganing to‘rt turidan keyin «Betis» 9 ochko jamg‘argan va 3-o‘rinni egallab turibdi. Joze Mourinyu shogirdlari ham 9 ochkoga ega, ammo qo‘shimcha ko‘rsatkichlar hisobiga turnir jadvalida 2-pog‘onada bormoqda.