"Барселона" спорт директори Деку клуб Хави Эрнандес билан ҳамкорликни давом эттиришга тайёрми ёки йўқлигини айтди.
"Хави ўз фикрини ўзгартириб, қолиш имконияти борми? Агар бирор нарса ўзгарса, биз бу масалани кўтармаймиз деб айта олмайман. Бизда Хавига қарши ҳеч нарса йўқ. Бу қарорни клуб ёки спорт раҳбарияти қабул қилмаган.
Хави билан муносабатларим яхши. Мен уни ўйинчи ва қийин пайтларда шу ишни ўз зиммасига олган мураббий сифатида ҳурмат қиламан. Бундан ташқари, охир-оқибат у ўз ишини яхши бажармоқда", - дея Деку сўзларидан иқтибос келтиради Barca Times.
