"Barselona" sport direktori Deku klub Xavi Ernandes bilan hamkorlikni davom ettirishga tayyormi yoki yo‘qligini aytdi.
"Xavi o‘z fikrini o‘zgartirib, qolish imkoniyati bormi? Agar biror narsa o‘zgarsa, biz bu masalani ko‘tarmaymiz deb ayta olmayman. Bizda Xaviga qarshi hech narsa yo‘q. Bu qarorni klub yoki sport rahbariyati qabul qilmagan.
Xavi bilan munosabatlarim yaxshi. Men uni o‘yinchi va qiyin paytlarda shu ishni o‘z zimmasiga olgan murabbiy sifatida hurmat qilaman. Bundan tashqari, oxir-oqibat u o‘z ishini yaxshi bajarmoqda", - deya Deku so‘zlaridan iqtibos keltiradi Barca Times.
