Москванинг ЦСКА клуби ва Ўзбекистон миллий терма жамоаси ярим ҳимоячиси Аббосбек Файзуллаев Россия терма жамоасининг Осиё Кубогида қандай иштирок этиши борасидаги фикрлари билан ўртоқлашди.

"Россияда кучли жамоа бор - ғалаба қозониш имконияти жуда яхши бўларди. Агар Россия терма жамоаси Осиёга кўчиб ўтса, бу мен учун қизиқарли бўлади. Кучли жамоалар билан ўйнаш ҳар доим завқлидир", - деди ҳамюртимиз Россиянинг "Чемпионат" сайтига берган интервьюсида.

Эслатиб ўтамиз, Ўзбекистон Осиё Кубогида ¼ финал босқичига чиқди. Чорак финал учрашувида жамоа Қатар терма жамоаси устун келди. Ўйин вақти 1:1 ҳисобида дуранг билан якунланган бўлса, пенальтилар сериясида қатарликлар аниқроқ бўлишди – 3:2.