"Наполи" ёзда ҳужумчи Виктор Осимхен учун потенциал харидорлардан 113 миллион фунт стерлинг товон пули талаб қилади, деб хабар беради Evening Standard нашри.
25 ёшли нигериялик ҳужумчи "Челси"нинг асосий мақсадларидан бири. Осимхен учун "ПСЖ" ва "Арсенал" ҳам рақобатлашиши мумкин.
Неаполликлар президенти Аурелио Де Лаурентис савдолашмоқчи эмас. Футболчи декабрь ойида янги товон пули билан янги шартнома имзолади.
"Челси" Европа мусобақаларида иштирок эта олмаса, МФП туфайли молиявий муаммоларга дуч келиши мумкин. Бундан ташқари, клуб ҳали ҳам янги марказий ҳимоячи ва чап қанот ҳимоячисини сотиб олиш учун ресурслар топиши керак.