"Ливерпуль" бош мураббийи Юрген Клопп ҳужумчи Муҳаммад Салоҳнинг аҳволи ҳақида фикр билдирди.
Хабарингиз бор, мисрлик футболчи "мерсисайдликлар"нинг сўнгги бир неча ўйинларини ўтказиб юборганди.
"Менимча, Салоҳ ҳаракатга қайтишдан унчалик узоқ эмас. Аммо у эртага майдонга тушмайди. Кейинроқ кўрамиз. Ўйлайманки, у кейинги ҳафта исталган вақтда ўйнай олади. У тез орада қайтиб келади, лекин ҳали эмас" - деди Клопп матбуот анжуманида.
2 март, шанба куни "Ливерпуль" сафарда "Ноттингем Форест"га қарши АПЛ ўйинини ўтказади.
