Владимир Петкович Жазоир терма жамоаси бош мураббийига айланди.
Жазоир футбол федерацияси босниялик мутахассис расман Жазоир эркаклар терма жамоаси бош мураббийи этиб тайинланганини маълум қилди.
Янги мураббий шу якшанба куни Жазоирга келади ва душанба куни матбуот анжумани ўтказади.
У терма жамоа Африка кубогида гуруҳдан чиқа олмаганидан кейин бош мураббийликдан кетган Джамел Белмади ўрнини эгаллади.
2022 йилнинг февралида Швейцария терма жамоаси ва "Лацио"даги фаолияти билан танилган Петкович "Бордо" бош мураббийи лавозимидан озод этилганди.
