"Бавария" "Лацио"га қарши ўйин олдидан Томас Тухелни истеъфога чиқармайди.
50 ёшли мутахассис Чемпионлар лигасининг 1/8 финали жавоб учрашувида жамоани бошқаради. Агар мюнхенликлар чорак финалга чиқа олса, Тухель катта эҳтимол билан мавсум охиригача жамоа бошқарувида қолади, дея хабар беради инсайдер Флориан Плеттенберг.
Аммо, агар "Бавария" турнирни тарк этса, мураббийнинг муддатидан олдин четлатилиши эҳтимоли жуда юқори бўлади. Муаммо шундаки, клубда мавсум якунига қадар жамоа раҳбариятини қабул қилиб оладиган мураббий йўқ.
"Бавария" келгусида ҳам ҳамкорликни давом эттирадиган бундай мутахассисни мавсум давомида тайинламоқчи эмас. Мюнхенликлар ёзда Хаби Алонсони таклиф қилмоқчи.
Немис клуби "Лацио"га қарши биринчи ўйинда 0:1 ҳисобида мағлуб бўлганди. Жавоб учрашуви 5 март куни бўлиб ўтади.
