"Валенсия" мухлислари Винисиус карикатуралари акс этган 20 мингта плакат тайёрладилар.
Кеча "Реал" "Валенсия" билан дуранг ўйнади - 2:2. 30-дақиқага келиб 0:2 ҳисобида мағлуб бўлаётган мадридликлар Винисиуснинг дубли эвазига ҳисобни тенглаштиришга муваффақ бўлди.
Винисиус "Валенсия" мухлислари томонидан ирқчиликка учраган 2023 йилнинг май ойидан бери биринчи марта "Месталья"да ўйнади. Испания Қироллик футбол федерацияси ҳисоботида айтилишича, ўша пайтда "юзлаб мухлислар" ирқчиликка йўл қўйган.
Marca нашри хабарига кўра, "Реал" билан ўйин олдидан Libertad VCF мухлислар уюшмаси 20 мингта сариқ плакат тайёрлаган. Улар “Валенсия” хўжайини Питер Лимга қарши анъанавий шиорларни кўтардилар: “Лим, уйингга кет!”
Бундан ташқари, плакатларда Винисиуснинг карикатуралари акс этган. Улар уни Пиноккионинг бурни билан тасвирлайдилар. Тасвирлар остида: “Пиноккиус, менга барибир”.
