«Андижон»нинг ОКМКга қарши учрашувидан сўнг жамоанинг иқтидорли ярим ҳимоячиси Муҳаммадкарим Тоиров клуби матбуот хизматига беллашув борасидаги фикрларини билдирди.

— Чемпионатнинг дастлабки ўйинидан сизда қандай таассуротлар қолди?
— Мавсумдаги биринчи ўйинимизни ўтказдик ва бир очкога эга бўлдик. Кейинги беллашувларда мухлисларимизни бунданда хурсанд қилишга ҳаракат қиламиз. Ҳали чемпионат узоқ, ишонаманки, ишқибозларимизни ғалабаларимиз билан кайфиятларини кўтарамиз.

— ОКМКга қарши ўйин ва натижадан қанчалик қониқдингиз?
— Биринчи ўйинга нисбатан яхши. Кейинги турларда ўйинимизни янада кучайтирамиз.

— Рақиб сиз кутгандек ўйин кўрсатдими?
— Ҳа, мен кутгандек ўйин намойиш қилди. Ҳар доимгидек ОКМК яхши жамоа.

— «Андижон» 10 март куни ўз майдонида «Бунёдкор»ни қабул қилади. Бўлажак ўйин олдидан нималарни айта оласиз?
— Бўлажак ўйинга биз бундан ҳам қаттиқ тайёргарлик кўрамиз. Негаки, бу ўз майдонимизда бўлади. Албатта, мухлисларимизни ғалабаларимиз билан хурсанд қиламиз.

«Андижон» матбуот хизмати.