“Интер” 2024 йилги 12 учрашувнинг барчасида ғалаба қозонган.

А Сериянинг 27-турида бош мураббий Симоне Индзаги шогирдлари ўз майдонида “Женоа”ни мағлуб этишди (2:1).

Милан клуби 2023 йил 29 декабрда “Женоа” билан 1:1 ҳисобидаги дурангдан сўнг бу йилги 12 ўйиндан 12 тасида ғалаба қозонган.

А Серияда “нерадзуррилар” сентябрь охиридан бери мағлубиятга учрамаяпти – кетма-кет 21 учрашув: 18 ғалаба, 3 дуранг.

9 март куни “Интер” 4-ўриндаги “Болонья” билан меҳмонда ўйнайди, 13-да эса Мадридда “Атлетико” билан Чемпионлар лигаси 1/8 финали жавоб ўйинида (биринчи ўйин 1:0) иштирок этади.