“Интер” бош мураббийи Симоне Индзаги А Серия доирасида “Женоа” устидан қозонилган ғалабадан сўнг (2:1) ОАВ вакиллари саволларига жавоб берди.
“Нерадзуррилар” “Ювентус”нинг навбатдаги хатосидан унумли фойдаланиб, А Серия якунига 11 тур қолганида ўзаро очколар фарқини 15 тага етказди.
“Бизнинг тақдиримиз ўз қўлимизда, лекин диққатимизни жамлашимиз керак. Биз кўп йиллардан буён футбол билан шуғулланамиз ва олдинда "Болонья", "Атлетико Мадрид" ва "Наполи"га қарши ўйинлар, шунингдек, халқаро танаффусда кутилаётган кўплаб ўйинлар борлигини тушунамиз.
Бу йигитларга раҳмат айтишим керак - 2024 йилда биз 50 кун ичида 12 та ўйин ўтказиб, уларнинг 12 тасида ғалаба қозондик. Аммо биз ортга эмас келажакка қарашимиз керак", - деди Индзаги Sky Sport нашрига берган интервьюсида.
