Футбол бўйича Англия Чемпионшипининг 36-туридан ўрин олган “Саутгемптон” ҳамда “Престон Норт Энд” жамоалари ўртасидаги ўйин стадион яқинидаги кучли ёнғин туфайли қолдирилди.
Ўйин 6 март санасида Саутгемптондаги “Сент-Мерис” стадионида бўлиб ўтиши керак эди. Чоршанба куни тушдан кейин стадион яқинидаги бир нечта бинолар ёниб кетган. Тўртта саноат объектига зарар етган ёнғин жойида 18 та ўт ўчириш машинаси ишлаган.
Хавфсизлик нуқтаи назаридан учрашувни бошқа муддатга кўчиришга қарор қилинган.
“Биз мухлисларнинг ҳафсаласи пир бўлганини қадрлаймиз, умид қиламизки, улар ҳар икки клуб мухлислари ўзлари ва ходимлар, футболчилар хавфсизлигини биринчи ўринга қўйиш зарурлигини тушунишади”, — дейилади “Саутгемптон” клуби матбуот хизмати хабарида.
