Futbol bo‘yicha Angliya Chempionshipining 36-turidan o‘rin olgan “Sautgempton” hamda “Preston Nort End” jamoalari o‘rtasidagi o‘yin stadion yaqinidagi kuchli yong‘in tufayli qoldirildi.
O‘yin 6 mart sanasida Sautgemptondagi “Sent-Meris” stadionida bo‘lib o‘tishi kerak edi. Chorshanba kuni tushdan keyin stadion yaqinidagi bir nechta binolar yonib ketgan. To‘rtta sanoat ob’ektiga zarar yetgan yong‘in joyida 18 ta o‘t o‘chirish mashinasi ishlagan.
Xavfsizlik nuqtai nazaridan uchrashuvni boshqa muddatga ko‘chirishga qaror qilingan.
“Biz muxlislarning hafsalasi pir bo‘lganini qadrlaymiz, umid qilamizki, ular har ikki klub muxlislari o‘zlari va xodimlar, futbolchilar xavfsizligini birinchi o‘ringa qo‘yish zarurligini tushunishadi”, — deyiladi “Sautgempton” klubi matbuot xizmati xabarida.
