Каталониянинг "Барселона" клуби бош мураббийи Хави Эрнандес январь ойида "Атлетико Паранаэнсе"дан жамоага келиб қўшилган ҳужумчи Витор Рокенинг аҳволи ҳақида гапирди.
“Роке Левандовски ва бошқа ҳужумчилар билан рақобатлашади. У бизга аллақачон ёрдам берган ва келажакда ҳам ёрдам беради. Агар Витор бунга лойиқ бўлса, у албатта кейинги ўйинларда ўйин дақиқаларини олади", - деди Хави Испания чемпионатида "Мальорка" билан ўйин олдидан ўтказилган матбуот анжуманида.
"Барселона"нинг "Атлетик Бильбао"га қарши сўнгги ўйинида Роке захирада қолиб кетганди.
