"Челси" бош мураббийи Маурисио Почеттино ҳозирда "Ньюкасл"ни бошқараётган Эдди Хау "Стэмфорд Бридж"да унинг ўрнига ўтиши мумкинлиги ҳақидаги хабарга изоҳ берди.

"Умид қиламанки, "Челси" мухлислари бир кун келиб мени "Ньюкасл" мухлислари Хауни қўллаб-қувватлаганидек қўллаб-қувватлайди. Буни айтишимга сабаб, мен ҳозир шу ердаман. Мен "Челси"нинг мураббийиман ва мухлислар каби ғалаба қозонишни хоҳлайман" - деди Почеттино матбуот анжуманида.

Почеттино қўл остида "Челси" ҳозирда Премьер-лигада 11-ўринни эгаллаб турибди. Аввалроқ Маурисио мавсум охирида истеъфога чиқарилиши мумкинлиги ҳақида хабар берилганди.