Ўзбекистон Республикаси Президенти ҳузуридаги Давлат бошқарув академияси, социалогия ва психология кафедраси мудири, социалогия фанлари доктори, профессор Мансур Бобомуродович Бекмуродов ОКМК футбол клуби вакиллари билан ташкил этилган учрашувда иштирок этди.

Ушбу маърифий учрашувдан кўзланган асосий мақсад бугунги кун спортчилари нафақат расмий мусобақалар пайтида, балки одатдаги турмуш ҳаёт тарзида ҳам оддий халқ вакилларига ҳар қандай кўринишда намуна бўлишларига алоҳида урғу берилди. Кийиниш ва кўриниш одоблари, муомала маданияти, ўзаро сухбат қуриш аҳлоқлари каби масалаларга алоҳида урғу берилди.

Айниқса, футбол ушрашувлари пайтида рақибга спортчиларга хос тарзда ҳурматда бўлиш, провокация ёки хийлаларга учмасдан, ҳакамлар қарорларига муносабат билдириш чоғида ўз чегарасини билиш, мусобақалар давомида уни кузатаётган ёш ва кекса авлодга ҳар томонлама наъмунавий характер кўрсатиш каби масалаларга эътибор қаратилди.

Шунингдек, Мансур Бекмуродов руҳий томонлама ўзини етук ва мукаммал тута олган спортчи ҳар қандай рақибни енгиб ўта олиши ҳаётий тажрибаларда бир неча карра синалган мисолларни келтириб, ОКМК ФК вакилларига ғалабаларга муносиб тайёрланиб, ютуқларга ҳаммаданда лойиқ эканликларини майдонда исботлашга ундовчи маърузалари билан ҳамфикр бўлди.