O‘zbekiston Respublikasi Prezidenti huzuridagi Davlat boshqaruv akademiyasi, sosialogiya va psixologiya kafedrasi mudiri, sosialogiya fanlari doktori, professor Mansur Bobomurodovich Bekmurodov OKMK futbol klubi vakillari bilan tashkil etilgan uchrashuvda ishtirok etdi.

Ushbu ma’rifiy uchrashuvdan ko‘zlangan asosiy maqsad bugungi kun sportchilari nafaqat rasmiy musobaqalar paytida, balki odatdagi turmush hayot tarzida ham oddiy xalq vakillariga har qanday ko‘rinishda namuna bo‘lishlariga alohida urg‘u berildi. Kiyinish va ko‘rinish odoblari, muomala madaniyati, o‘zaro suxbat qurish ahloqlari kabi masalalarga alohida urg‘u berildi.

Ayniqsa, futbol ushrashuvlari paytida raqibga sportchilarga xos tarzda hurmatda bo‘lish, provokasiya yoki xiylalarga uchmasdan, hakamlar qarorlariga munosabat bildirish chog‘ida o‘z chegarasini bilish, musobaqalar davomida uni kuzatayotgan yosh va keksa avlodga har tomonlama na’munaviy xarakter ko‘rsatish kabi masalalarga e’tibor qaratildi.

Shuningdek, Mansur Bekmurodov ruhiy tomonlama o‘zini yetuk va mukammal tuta olgan sportchi har qanday raqibni yengib o‘ta olishi hayotiy tajribalarda bir necha karra sinalgan misollarni keltirib, OKMK FK vakillariga g‘alabalarga munosib tayyorlanib, yutuqlarga hammadanda loyiq ekanliklarini maydonda isbotlashga undovchi ma’ruzalari bilan hamfikr bo‘ldi.