"Интер" бош мураббийи Симоне Индзаги жамоасининг жорий мавсумда Чемпионлар лигасида ғалаба қозониш нияти ҳақида гапирди.
“Клубдаги ҳамма буни хоҳлайди. Биз уч йил кетма-кет плей-оффга чиқдик, бу аввалги ўн йилликда биз учун одатий бўлмаган нарса. Олдинда Мадридда "Атлетико" билан учрашув бор. Рақиб нима қилишини билмаймиз. Улар ўз услубларини ўзгартиришни яхши кўрадилар", - деди италиялик мутахассис.
"Атлетико" ва "Интер" ўртасидаги жавоб учрашуви 13 март куни Мадридда бўлиб ўтади. Дастлабки учрашувда "нерадзуррилар" 1:0 ҳисобида минимал ғалабага эришди.
