«ПСЖ» ва Франция терма жамоаси ҳужумчиси Килиан Мбаппе 2024 йилнинг ёзида Парижда бўлиб ўтадиган Олимпия ўйинларида Франция терма жамоаси сафида ўйнамаслиги мумкин.
Бу ҳақда L’Equipe нашри хабар бермоқда.
Аввалроқ футболчининг футбол бўйича Олимпиада турнирида иштирок этиш истаги борлиги ҳақида хабар берилганди.
Манбага кўра, Мбаппенинг "Реал Мадрид"га ўтиши мумкин бўлганлиги сабабли Олимпиада турнирида иштирок этиш имконияти тобора камайиб бормоқда.
Қайд этилишича, футболчининг янги клуби янги мавсум бошланишидан олдин ёзда дам олишини таъминлаш учун уни Франция олимпия терма жамоасига қўйиб юборишни истамайди.
