"Манчестер Юнайтед" бош мураббийи Эрик тен Хаг клуб раҳбарияти Маркус Рэшфордни сотмоқчи эмаслигини айтди. Мутахассиснинг фикрича, 26 ёшли ҳужумчи ўтган йили клуб билан янги шартнома имзолаган ва "Манчестер Юнайтед"да ўйнашда давом этади.
"Клуб уни сотиш учун эмас, шартномани беш йилга узайтирди. У бизнинг лойиҳамизнинг бир қисми бўлиши керак", деб тен Хагнинг сўзларини келтиради журналист Фабрицио Романо.
Олдинроқ "ПСЖ" форвард хизматларига қизиқиш билдираётгани ва англиялик футболчига катта маош таклиф қилишга тайёрлиги хабар қилинган эди.
