Германиянинг «Штутгарт» жамоасида ижара асосида тўп тепаётган «МЮ» футблчиси Федерико Македа немис клуби билан узоқ муддатли шартнома тузишни хоҳлаётганини таъкидламоқда.
«Январда фақат ижарага кетишим мумкинлигини, лекин менга жамоада қолиш имкониятини беришларини билардим. «Штутгарт» билан шартнома имзолашдан хурсанд бўлардим.
«МЮ»даги доимий кучли рақобат сабаб менга осон деб бўлмасди. «Штутгарт»да қолишни хоҳлайман. Бу ерда мураббийлар ёшларга эътибор беришади ва ўйлайманки, жамоада ўз ўрнимни топиб кета оламан»,- деб футболчининг сўзларидан иқтибос келтиради Bild.