Мадриднинг “Реал” клуби бош мураббийи Карло Анчелотти “Лос-Бланкос” ҳужумчиси Винисиус Жуниорнинг Ла Лиганинг 29-тури доирасидаги “Осасуна”га (4:2) қарши ўйиндаги ҳаракатларига юқори баҳо берди.
Ўтган ўйинда 23 ёшли бразилиялик 2 та гол урди.
“Винисиус? Бугун у тўртта гол уриши мумкин эди. У ғайриоддий ўйнади. Бизга у каби футболчилар керак", - дея Анчелотти сўзларини келтиради Madrid Xtra.
Жорий мавсумда Винисиус 28 та ўйин ўтказиб, 18 та гол урди ва 8 та голли узатмани амалга оширди. Футболчининг "қироллик клуби" билан шартномаси 2027 йилнинг июнь ойи охиригача амал қилади.
