Бугун, 17 март куни Нико Ковач Германиянинг "Вольфсбург" клуби бош мураббийлигидан озод этилгани маълум бўлди.
Клуб раҳбарлари аллақачон янги мураббий қидиришни бошлаб юборишган. Sport.Sky.de нашри хабарига кўра, австриялик мутахассис Ральф Хазенхюттль "бўрилар" эътиборига тушган.
Томонлар музокара жараёнига киришди. 56 ёшли австриялик мураббий эндиликда эркин агент ҳисобланади. Хазенхюттлнинг сўнгги иш жойи Англиянинг "Саутгемптон" клуби бўлган.
"Вольфсбург" Бундеслиганинг жорий мавсумида ёмон ўйин кўрсатмоқда. Жамоа 25 очко жамғариб, турнир жадвалида 14-ўринни эгаллаб турибди.
