Италия чемпионатининг 29-тури доирасида «Милан» сафарда «Верона» клуби меҳмони бўлиб, ишончли ғалабани қўлга киритди.

Баҳснинг 44-дақиқасида миланликлар ҳимоячиси Тео Эрнандес ҳисобни очган бўлса, 50-дақиқада Кристиан Пулишич фарқни яна биттага оширди.

Баҳснинг 64-дақиқасида вероналиклар ҳужумчиси Тейяни Нослин рақиб дарвозасини ишғол қилди. Ўйиннинг 79-дақиқасида «россонери» футболчиси Самуэл Чуквуэзе якуний ҳисобни ўрнатди — 1:3.

Стефано Пиоли жамоа барча мусобақалар доирасида кетма-кет бешинчи ғалабани қўлга киритди. Жамоа А серияда ўз очколарини 62 тага етказиб, 3-ўриндаги «Ювентус»дан 3 очкога ўзиб кетди.

Италия чемпионати, 29-тур
Верона – Милан 1:3 (0:1, 1:2)
Голлар: 0:1 – 44 Эрнандес, 0:2 – 50 Пулишич, 1:2 – 64 Нослин, 1:3 – 79 Чуквуэзе.
Верона – Монтипо, Сантонз, Давидович (Маньяни, 57), Коппола, Кабаль (Рубен Винагре, 76), Лазович (Митрович, 57), Дуда, Сердар (Силва, 46), Фолоруншо (Свидерски, 57), Суслов, Нослин.
Милан – Меньян, Калабрия, Томори (Кьер, 84), Калулу (Габбия, 46), Эрнандес, Лофтус-Чик (Муса, 66), Беннасер, Пулишич (Жиру, 66), Рейндерс, Рафаэл Леау, Окафор (Чуквуэзе, 74).
Огоҳлантиришлар: Сердар (6), Томори (30), Эрнандес (45), Рейндерс (87).