«Аякс» бир мавсумда ўтказиб юборилган голлар сони бўйича антирекорд ўрнатди.

Эредивизиянинг 26-тури доирасида амстердамликлар Роттердамнинг «Спарта» клуби билан 2:2 ҳисобидаги дурангга имзо чекишди.

"Аякс" жорий мавсумда барча мусобақалар доирасида 39 та ўйинда майдонга тушиб, жами 72 гол ўтказиб юборади. Жамоа ушбу кўрсаткич бўйича ўз тарихидаги энг ёмон натижани қайд этди. «Аякс» сўнгги марта мавсум-1958/59да 39 та ўйиндан кейин 71 та гол ўтказганди.

«Аякс» айни пайтда Нидерландия чемпионатида 41 очко билан 5-ўринни эгаллаб турибди. Бу ўрин жамоа учун еврокубокларга йўлланма бермайди.