Франция чемпионатининг 26-туридан ўрин олган ўйинлар якшанба куни "Монпелье" ҳамда Парижнинг "ПСЖ" жамоалари ўртасидаги учрашув билан якунланди.
Мамлакат чемпиони жанубликлар дарвозасига олтита гол урди ва шу орқали муҳим юбилей – Франция чемпионати олий лигасидаги 350-ғалабасини нишонлади.
Уларнинг камида ярми қатарлик Носир Ал-Хелайфий клуб бошқарувига ўтганидан бери сўнгги ўн уч йил ичида қўлга киритилди.
Франция чемпионатининг навбатдаги, йигирма еттинчи турида “ПСЖ”ни “Марсел”га қарши муҳим ўйин кутиб турибди. Бу ўйин март ойининг сўнгги кунида бўлиб ўтади.
