"Барселона" ҳужумчиси Роберт Левандовски "Атлетико"га қарши ўйиндан (3:0) кейин ўзининг ҳолати ва жамоанинг муваффақияти ҳақида фикр билдирди.
"Сўнгги бир неча ҳафта ичида машғулотларимиз бироз ўзгарди ва янада қизғинлашди. Мен ўзимни жуда яхши ҳис қиляпман ва жамоадошларим ҳам шундай деб ўйлайман. Халқаро танаффусдан кейин ҳам худди шундай руҳда давом этишимиз керак. Олдинга қадам ташлаш вақти келди.
Мен ёш футболчиларга ёрдам беришим ва қўллаб-қувватлашим кераклигини биламан, лекин улар ҳам менга ёрдам беришлари, менга тўп узатишлари, узатмалар қилишлари керак.
Энг муҳими — "Атлетико"га қарши ўйиндаги каби ўйнашда давом этишимиз керак. Биз қандай ўйин кўрсата олишимиз мумкинлигини биламиз, бизда катта салоҳият ва ажойиб футболчилар бор. Ёшларимиз ёши катта футболчилар билан яхши уйғунлашишяпти" - деди Левандовски.
