"Бавария" "Барселона" ҳимоячиси Рональд Араухонинг ҳолатини кузатишда давом этмоқда.
Журналист Флориан Плеттенбергнинг ёзишича, айни дамда мюнхенликлар агар де Лигт, Упамекано ва Ким Мин Чже клубда қолса, Араухони харид қилиш учун катта маблағ ажратишни режалаштирмаяпти.
Қайд этилишича, Араухонинг ўзи ҳам "Барселона" билан меҳнат шартномасини узайтиришга шошилмаяпти. Манбанинг қайд этишича, кўп нарса янги мураббий ва "кўк-анорранглилар"нинг молиявий аҳволига боғлиқ.
Араухо аввалроқ ўзини бошқа жамоада тасаввур қила олмаслигини айтганди. Жорий мавсумда футболчи барча турнирларда 31 та ўйин ўтказиб, битта гол урган. Ҳимоячининг "Барселона" билан шартномаси 2026 йилгача мўлжалланган.
