Ла Лига 29-тур учрашувида “Атлетико Мадрид” ва Каталониянинг “Барселона” клублари тўқнаш келишди.

Жамоалар Мадриддаги (Испания) "Ванда Метрополитано" стадионида ўйнашди. Ўйин 3:0 ҳисобида каталонияликлар фойдасига ҳал бўлди.

Испания матбуоти "Реал Мадрид" футболчиларининг ушбу ўйин натижасига муносабатини ошкор қилди.

"Бу ерда ҳеч қандай хусумат йўқ, биз ўзимизга эътибор қаратамиз... Чемпионатда ғалаба қозониш учун биз ҳеч кимга боғлиқ эмасмиз ва агар муваффақиятсизликка учрамасак, бу ғалабани биздан ҳеч ким тортиб ололмайди", — деди номи ошкор этилмаган футболчи.

Испания Примьеросининг 29-туридан сўнг “Барселона” 64 очко жамғарди.

Каталония жамоаси турнир жадвалида иккинчи ўринда бормоқда. “Атлетико”га келсак, улар 29 ўйинда 55 очко тўплашди.

Мадрид клуби бешинчи ўринни эгаллаб турибди.