Фаластин футбол ассоциацияси Исроилга қарши санкциялар жорий қилишни сўрамоқда.
Мамлакат футбол органи ФИФАнинг 74-конгрессига Исроил жамоалари билан боғлиқ таклифлар билан хат тайёрлади.
"1. Исроилнинг Фаластинда, хусусан, Ғазодаги юриши даврида содир этилган халқаро ҳуқуқнинг бузилиш ҳолатлари сабабли Исроил жамоаларига қарши тегишли санкцияларни дарҳол кучга киритинг.
2. Исроил футбол ассоциацияси бошқа ассоциация (Фаластин) ҳудудида жойлашган футбол жамоаларини ўз миллий лигасига киритишни давом эттиргани учун жазолансин.
3. Исроил футбол ассоциацияси ўз юрисдикцияси остидаги ҳудудларда камситиш ва ирқчиликка йўл қўйгани учун жазолансин", — дейилади ҳужжатда.
