Тошкентнинг "Локомотив" ва Ўзбекистон U-17 терма жамоаси ҳужумкор ярим ҳимоячиси Лазизбек Мирзаев фаолиятини Испаниянинг "Леганес" клубида давом эттиришга яқин турибди. Бу ҳақда инсайдер Ваня Карпов ўз телеграм-каналида хабар берди.
Қайд этилишича, Мирзаев ҳозирда Испанияда бўлиб турибди. У яқин орада янги жамоаси учун тиббий кўрикдан ўтади, барчаси муваффақиятли якунланса, у клуб аъзосига айланади.
Маълумот учун, "Леганес" ҳозирда Сегундада 2 да 31 ўйиндан сўнг 56 очко жамғариб, 1-ўринда бормоқда. Клуб катта эҳтимол билан келаси мавсум Ла Лигада иштирок этади.