"Барселона" спорт директори Декунинг айтишича, "кўк-анорранглилар" "Ливерпуль" бош мураббийи Юрген Клопп ва "Арсенал" устози Микель Артетага жамоани бошқаришни таклиф қилмаган.
Эслатиб ўтамиз, каталонияликлар устози Хави жорий мавсум якунида жамоани тарк этиши аввалроқ маълум бўлган эди.
"Ҳали қарор қабул қилинмади, биз жараёндамиз. Албатта, менга Луис Энрике ёқади, у топ-мураббий.
Пеп Гвардиола ҳам, Юрген Клопп ҳам. Аммо бу мутахассислар мавжуд эмас. Худди Микель Артета, Андони Ираола ва Серхио Консейсау каби.
Биз улар билан умуман гаплашмадик ва уларни эслатиб ўтишнинг маъноси йўқ. Ҳозирча биз ҳеч қандай менежер билан мулоқот қилганимиз йўқ", - дея Декунинг сўзларини келтиради Британиянинг Daily Mail интернет нашри.
