Бугун «Динамо» – «Гулистон» учрашуви олдидан «Гулистон» клуби бош мураббийи Бахтиёр Ашурматов ўз фикрларини билдириб ўтди.
«Ўйлайманки Самарқандда жуда яхши ўйин бўлади. «Динамо» мухлислари қаршисида ўйнайди ва совуқ бўлишига қарамай мухлислари кўп бўлишини сезиб турибмиз. Биз жуда қийин ўйин олдида турибмиз. Ҳар икки томондан ҳам қийин бўлади. «Динамо» кучли қаршилик кўрсатса , об ҳаво ўз таъсирини ўтказмай қолмайди. Стадионни тозалаган тақдирда ҳам бу совуқда майдонга тушиш қийинчилик бўлади . Бу ҳар икки жамоага ҳам таъсир ўтказади.
Ўйинни қолдиришни сўраган бўлар эдим. Бундай шароитда мухлисларга жуда ҳам қийин бўлади. Биринчи навбатда мухлисларни ўйлашимиз керак. Бошқа иложи йўқлиги учун ўйин бўлиб ўтадиган бўлди.
«Динамо» биринчи турда мағлуб бўлган. Ютқазган жамоага қарши ўйнаш эса, ғолибга қарши ўйнашдан қийинроқ. Бугун фақатгина омади кулган жамоа ғолиб бўлади. Кучли жамоа эмас.
Биринчи ўйиндаги ғалаба асло тасодиф эмас. Биз Зарафшонга 3 очко учун бордик ва мақсадга етдик. Равшан Акмалович жамоаси ҳам бизга осонликча очко улашгани йўқ. Мен йигитларга ўйин олдидан Олий лига қийинлигини тўла тушунтирганман.
Ўйин олдидан таркибимизда битта жиддий йўқотиш бор. Иля Ҳайров бугун майдонга туша олмайди. Биринчи ўйинда жиддий жароҳат олган ва бир нечта ўйинни ўтказиб юбориши мумкин», - дея фикрларини айтиб ўтади «Гулистон» клуби бош мураббийи.