"Ювентус" ҳужумчиси Душан Влаховичнинг манфаатларини ҳимоя қилаётган Дарко Ристич ўз мижозининг Турин клуби раҳбарияти билан ҳамкорликни узайтириш масаласини муҳокама қилмоқда. Бу ҳақда журналист Николо Скира хабар берди.

Манбага кўра, 24 ёшли серб билан янги шартнома 2027/28 йилги мавсум якунига қадар амал қилади.

Влахович билан амалдаги келишув 2026 йилнинг ёзида якунига етади. Клуб ва агент яқин икки ҳафта ичида келишувга эришишга умид қилмоқда.

Иккала томон ҳам меҳнат шартномасини узайтиришдан манфаатдор, бироқ ҳозирча келишувнинг молиявий шартлари бўйича муросага кела олмаяпти.

Ҳужумчининг ҳозирги маоши мавсумига 6 миллион еврони ташкил қилади.