WBC март ойи учун янгиланган рейтингни эълон қилди. Унга кўра, Баҳодир Жалолов 1 поғона юқорилаб, 12-ўринга жойлашди. Миразизбек Мирзахалилов илк бор мазкур рейтингга киритилди.

Шу тариқа, рейтингдан 8 нафар боксчимиз ўрин олди:

Супероғир вазн: Баҳодир Жалолов ўтгaн ойдан 1 поғона кўтарилди ва 12-ўринга жойлашди;

Суперўрта вазн тоифаси (76,2 кг): Бектемир Мелиқўзиев бир поғона пастлади ва 13-ўринга жойлашди;

Яримўрта вазн (66,6 кг): Шаҳрам Ғиёсов ўтган ойдан икки поғона юқорилаб, 12-ўринни эгаллаган бўлса; Жаҳонгир Расулов ўтган ойдаги каби 32-ўринни банд этди;

Биринчи ярименгил вазн (55,3 кг): Муроджон Аҳмадалиев бир поғона пастлади ва 4-ўринни эгаллади; Миразизбек Мирзахалилов илк бор рейтингдан жой олди ва 27-ўринни банд этди;

Енгил вазн (50,82 кг) Олимжон Назаров 2 поғона юқорилаб, 32-ўринга жойлаштирилди;

Биринчи ўта енгил вазн (47,6 кг): Ҳасанбой Дўсматовда ўзгариш йўқ - 5-ўрин.