"Арсенал" "Байер" ярим ҳимоячиси Флориан Вирцни ўз сафига қўшиб олмоқчи.
Лондон клуби бу йўлда "Ливерпуль" ва "Реал Мадрид" каби клублар билан рақобатлашади. Бироқ, Fichajes хабарига кўра, "Лос Бланкос" бу ёзда немис футболчиси вариантига ўтмайди ва улар Вирцни 2025 ёки 2026 йилда қўлга киритишга ҳаракат қилиб кўради.
"Арсенал" ихтиёрида Мартин Эдегор бўлса-да, улар ўз сардорига ҳаддан ташқари қарам бўлиб қолишган ва уларга янги вариантлар керак.
Вирц "Арсенал" ҳужумига голлар ва ижодкорлик қўшади. У ўнинчи рақам бўлишидан ташқари қанот ҳужумчиси сифатида ҳам ҳаракат қила оладиган даражада кўп қиррали.
20 ёшли ярим ҳимоячи жорий мавсумда барча мусобақаларда 11 та гол урди ва 17 та голли узатмани амалга оширди.
