Янги мавсумга тайёргарликни Муборакда давом эттираётган «Машъал» 8 март куни Косоннинг «Аланга» жамоасига қарши иккита ўртоқлик учрашувини ўтказди. Ҳар иккала баҳсда ҳам муборакликлар гол ўтказмасдан йирик ҳисобда зафар қучишди. Бу ҳақда жамоамиз мураббийи Мақсуд Ирисбаев хабар берди. 11:00да бошланган биринчи ўйинда «газчилар» 4:0 ҳисобида ғалаба қозонган бўлишса, иккинчи беллашувда жамоамиз рақибни 3:0 ҳисобида мағлубиятга учратди.
Шуни айтиш лозим, биринчи ўйинда асосан «Машъал»нинг асосий таркиб футболчилари ҳаракат қилишди. Иккинчи беллашувда эса мураббийлар кўпроқ ёшларга имконият беришди.
Бизга маълум бўлишича, биринчи лига ўйинларига жиддий тайёргарлик кўраётган «Машъал» ўзининг навбатдаги назорат баҳсини 11 март куни «Бухоро-2» ва олий лигадаги «Бухоро»нинг ўринбосарларига қарши ўтказади. Мазкур учрашувларнинг бўлиб ўтиши-ўтмаслиги душанба кунигача ҳал этилади.
Эслатиб ўтамиз, «Машъал» ушбу мавсумдаги ўзининг илк расмий учрашувини 24 март куни Ўзбекистон Кубоги доирасида Бухоронинг «Спартак» клубига қарши ўтказади. Ўйин Муборак шаҳрида бўлиб ўтади.
«Машъал» - «Аланга» - 4:0
«Машъал»: Санжар Қувватов, Дилявер Ваниев, Акбар Ҳотамов, Саламат Қутибаев, Отабек Шукуров, Жаҳонгир Абдумўминов, Рустам Аъзамов, Мирзоҳид Ғофуров, Жамшид Ҳасанов, Зоҳир Қўзибоев, Виктор Клишин.
Голлар: Қузибоев (2та), Абдумўминов, Клишин.
«Машъал» - «Аланга» - 3:0
«Машъал»: Ўткир Юсупов, Шерзод Файзиев, Шаҳзод Шайманов, Искандар Шайқулов, Хуршид Суюнов, Холмурод Холмуродов, Сирожиддин Раҳматуллаев, Элдор Эргашев, Баҳодир Муртазоев, Элдор Шомуродов, Ихтиёр Тошпўлатов.
Захирадан тушганлар: Давронов Раҳим, Аббосов Шоҳжаҳон.
Голлар: Муртазоев, Аббосов, Раҳматуллаев.
