"Манчестер Юнайтед"нинг собиқ бош мураббийи Оле-Гуннар Сульшер "қизил иблислар" бош мураббийи лавозимини тарк этгач, бошқа клубни бошқариш имконига эга эканлигини айтди.
"Менга Европанинг иккита клубидан таклифлар бўлганди. Саудия Арабистони клубларидан ҳам таклифлар бўлди, улар менга катта пул таклиф қилишди. Лекин пул менинг танловим эмас.
Мен такаббур эмасман, лекин агар сиз "Манчестер Юнайтед"да ишлаган бўлсангиз, қаерда мураббий бўлишни ўзингиз ҳал қиласиз", - дея норвегиялик мураббийнинг сўзларини келтиради FourFourTwo.
Эслатиб ўтамиз, "Манчестер Юнайтед" Сульшер фаолиятидаги сўнгги клуб бўлган. 2021 йилдан буён мутахассис ишсиз.
