«Барселона» ҳимоячиси Ҳерард Пике жамоа устози Тито Виланованинг йўқлиги футболчиларга жиддий таъсир кўрсатганини таъкидлаб ўтди.
«Бизга Тито етишмаяпти. Унга ишонамиз ва қайтишига умид қилиб қоламиз.
Жамоа бош мураббийсиз қийин аҳволда қолган. Вилановасиз худди дирижорсиз оркестрга ўхшаб қолганмиз. Лекин бу ҳолатни енгиб ўтамиз, чунки Тито бизга АҚШдан туриб ҳам ёрдам бермоқда.
Соғлиқ — бу энг муҳими. Биз унга таъсир кўрсатишни хоҳламаймиз. Шундай экан Титонинг тузалишини сабрсизлик билан кутиб қоламиз»,- дейди Пике.